Iniyugyog ng magnitude 6.1 na lindol ang hi­lagang Luzon kahapon, su­balit walang naitalang casualty, ayon sa Philippine Institute of Volcano­logy and Seismology (Phi­volcs).

Naitala ang sentro ng pagyanig sa layong 117 kilometro, silangan ng L­aoag City.

Naramdaman ang Intensity 5 sa Pasuquin, Ilocos Norte, habang Intensity 4 naman sa Calayan, Island.

Ang Basco, Batanes; Sinait, Ilocos Norte; Gonzaga at Camalaniogan, Cagayan at lungsod ng Maynila ay Intensity 3 at Intensity 2 naman sa Vigan at Baguio City.

Ayon sa Phivolcs, tectonic ang sanhi ng lindol na naramdaman bandang alas-4:26 kahapon ng hapon.

Bagama’t walang casualty, inabiso ng Phivolcs na asahan ang aftershocks dulot ng lindol.

Bagama’t malawak ang baybayin at katubigan ng hilagang Luzon, kinalma ni Phivolcs Director Renato Solidum ang pa­ngamba ng publiko hinggil sa posibleng tsunami.

Habang isinusulat ang balitang ito, sinabi ni Solidum na walang banta ng tsunami ang nakataas sa Pilipinas.