Tiniyak kahapon ni Justice Secretary Leila de Lima na iimbestigahan ang pagkakasangkot ng military sa pagkawala ng political activist na si Jonas Burgos kasunod ng pagpapalabas ng Commission on Human Rights (CHR) ng “findings” na nagtuturo sa military na nasa likod ng pagkawala ng huli may apat na taon na ang nakakalipas.

“We’ll ask for copy of CHR’s findings and will act accordingly with end in view of prosecuting those responsible for the abduction of Jonas Burgos,” ayon sa text message ni De Lima.

Nabatid na isinumite na umano sa Supreme Court ang rekomendasyon ng CHR na masampahan ng kasong kidnapping at arbitrary detention ng DOJ si Army 1Lt. Harry Baliaga Jr., na isa sa walo ka­taong sinasabing dumukot kay Burgos sa loob ng isang restaurant sa E­ver Gotesco Mall sa Commonwealth Avenue, Quezon City noong Abril 28, 2007.

“I’m glad that the case is on its way to closure, as what our country and the whole world have been waiting for,” ayon pa kay De Lima.

Samantala, nagpaha­yag naman ng kasiya­han ang ina ni Jonas na si Editha dahil sa deve­lopment ng kaso at umaasa umano siya na makikita rin ang nawawalang anak.