Hinugot ng Pharex Medics ang lumaki sa Estados Unidos na Pinoy na si Chris Ross na No. 1 sa Philippine Basketball League Rookie Draft kamakalawa ng gabi sa Ynares Sports Center sa Pasig City.
Pagkaraan ng 6-foot-1 na si Ross, tinapik ng Toyota Otis si Allan Mangahas bilang segunda at si Spartacus Rodriguez ng San Francisco State University ay kinuhang Magnolia bilang tersera sa listahan.
Nakumpletong binunot sa unang yugto sina Brian Ilad ng La Salle (Burger King), Lance Convento ng California State Fullerton (Hapee Toothpaste), Erick Suguitan ng ACSAT (Harbour Centre) at Paul Lee ng University of the East (Bacchus Energy Drink).
Bumahagi pa rin sa drafting ang Hapee kahit na dumanas ng dagok sa preseason dahil sa pagpapaatras ng Ateneo de Manila University na mga manlalaro na sumali sa event kahit na may kasunduan na sa koponan ng liga. Nagkasya ang HT sa pagpulot sa halos mga ‘di kilalang basketbolista na sina Christoper Canta, Mark Sarangay, Vengie Vergara, Ely Olarte, Chuck Dalanon, Josh Vanlandingham at Andy Mejos.
Kinabig pa ng Harbour, nalagasan nang walong player sa Philippine Basketball Association sa taong ito, sina La Salle’s Peejay Barua, University of Visayas’ Von Lanete, Reynald Cui at Jessey Garcia.
Sa misyong makabalanse ng koponan, hinamig pa rin ng Medics sina Adamson University’s Michael Galinato (second round), Mapua Institute of Technology’s Ian Mazo (third round), Letran College’s John Melegrito (fourth), AdU’s Junard Yambot (fifth round) at Adamson’s Jerick Canada (sixth round).
Napunta naman sa Toyota pa sina La Salle teammates James Mangahas at Bader Malabes, at Letran stars Alvin Cabonce at Clarence Foronda.