TEHRAN, Iran --- Kinaligtaan muna ng Philippine Youth team ang hapding sanhi ng kabiguan sa Lebanon kamakalawa at pinulbos ang United Arab Emirates, 73-54, para makaabante sa quarterfinals ng 20th FIBA-Asia Youth Basketball Championship sa Azadi Stadium dito.
Nagpasabog ng three-points na mga bomba sina Sa­muel Marata at Gabriel Banal sa first half pa lamang para timunan ang pagkawawa ng mga Pinoy sa mga Arabo, kung saan umangat ang una sa 23-10 bentahe sa first quarter at 41-24 sa halftime.
Ang magaang na panalo ay pangalawa sa tatlong laro ng suportado ng Nokia na RP five para wakasann ang elimination round na segunda sa likod ng Lebanon na may 3-0 sa Group C. Huling biniktima ng Lebanese ang Chinese-Taipei, 95-80.
Ang top two teams sa four-group under-18 tournament ang susulong sa next round.
Natalo ang RP Youth sa Lebanese noong Biyernes, 87-84, mula sa last-second three-pointer ni Ahmad Ibrahim.
Kasama ng RP sa bracket sa Group 2 ng Final Eight ang Japan, Korea at host Iran. Tatalupan ng Filipinos ang quarterfinals campaign kontra Koreans.
Kasama naman ng Lebanon sa Group 1 ang defen­ding champion China, Kazakhstan at Syria.
“They played decently and stuck to our plans and strategies with more focus and concentration this time. When I saw Lebanon win, I instructed them (RP Youth team) to give it just the right amount of effort to get the win because they will have a big game tomorrow against another strong team... Korea,” salaysay ni coach Franz Pumaren.