Nagsosyo sa liderato ang ABS-CBN 2 at DZBB sa quarterfinals ng Media Sports League (MSL)-1st Senate President Manny Villar Cup Media Edition matapos manalasa sa AMF-Puyat Billiards Center, sa Star Mall, Mandaluyong City kamakalawa.
Tumumbok ng tig-tatlong panalo ang dalawang koponan sa Villards: Tulong sa Pagsulong ng Philippine Sports, upang pagsaluhan ang unahan sa quarters race habang lumagapak ang dating nangungunang Team Bulacan at IBC-13 Team sa No. 3 at No. 4 rank, ayon sa pagkakasunod.
Winalis ng ABS-CBN Team (3-0) nina Rowen Ruedas, Bernardo Carpio at Alvin Lumacang ang trio ng National Press Club (NPC) Team nina Benny Antiporda (Remate), Tracy Cabrera (Police Files) at Pablo Hernandez (Bulgar), 5-0, kasunod ang IBC-13 Team nina Merwin Llanza, at Gaylord Medenilla via 5-3 at panghu­ling biniktima ang LTFRB Team nina Jojo Perez (Business World), Mike De Juan (Manila Standard Today) at Louisa Francisco (Business World), 5-2.
May 26 ang kalahok na mga koponan sa kumpetisyon na inorganisa ng MSL sa pakikipagtulungan ng tanggapan ni Se­nate President Villar at inisponsoran ng Star Mall, 100 Plus energy drink, Pan de Pidro, Tips N Toes Nail Salon and Chopopoy’s Manukan.